Moin, Moin, leeve Lüüd!

Hier stellt sik de Kukedeeler Theoterspeelers ut Rügg vör. Uns Theotergruppe hett sik 2004 op dat Bedriefen vun 3 kreative Rügger Börgers (Bernd Braas, Helga Lorenzen und Susanne Krause) gründ, un fung an vörerst as lütte Hupen mit 6 Speelers.
Bi dat jährliche Spanferkeleten vun de Füerwehr wurrn de eersten Sketchen opföhrt.
Bald to kemen niege Mitspeelers överto, un 2006 kemen al tweemal sülmschreven Füerwehrsketchen to´n Vördrag. De eerste richtig lange Theoterstück weer „De Moorkaat“, un wurr ok wedder för Rügger Publikum opföhrt. Siet dem gifft dat meist all twee Johr een nie Stück to sehn, immer op platt.
Wi speelt Theoterstücken för de ganze Familie, mol 'n Fabel oder Kinnerstücken, mol eernste Stücken un denn ok weder Komödien.
In Momang sünd wi 10 Theoterspeelers. Wi drapen us jümmers an Freedagabend Klock acht in de Ole School in Rügg un hebb bi't Proven jümmers düchtig Spaaß!
Lüüd, de kieken wöllt, wat se villicht mitmaken wulln, könnt geern mol inkieken, ansünsten sehn wi uns bi de neegste Opföhrung...

De ganze Trupp
Theoterspeelers	Anke Braas
	Bernd Braas	Regie, Stückenschriever, Licht, Ton, Doku, ...
	Johannes Brauer †	as Schauspeler bit 2017
	Marianne Christophersen
	Markus Janowski	bit 2018
	Henning Jürgensen
	Susanne Krause
	Helga Lorenzen
	Maren Maltzahn
	Henning Pehl
	Birgit Schrader
	Beeke Braas	'Üm Hart un Ehr'
	Niko Vogt	bit 2018
	Rolf Matthiesen †	in 'Drei Männlein im Wald'
Musik (Akkordeon)	Gesa Wulf	in 'Üm Hart un Ehr'
Nebendarsteller	Horst Krause	in 'Wenn Brarup nich weer ...'
Bühnenbild	Marion Ohlerich	'Üm Hart un Ehr'
Requisite	Reiner Schrader	jümmers wedder
Toschnacker	Hanni Brauer	bit 2020

Röhrig as de Trupp is, hebbt se intwischen ehr egen Theotersaal buut. De Probenruum in de ole School hett nu neben de egentliche Probebühn föftig Plätze för Tokiekers, anordnet fast as in een Amphittheater.
So mokt dat Tokieken noch mehr Spoß.
Dat letzte Stück "Von Kaninken un anner Lüüd" hebb se mit grote Resonanz mehrfach in ehr egen nie Studiobühn speelt. Achteran gung dat noch op Tournee in't Umland.

Achteran nu noch een por Biller vun de een un de anner Stück.

Wenn Brarup nich weer ...	Wat up Brarup-Markt nich allns passeern kann.
Drei Männlein im Wald	Een Fabel - nich blots för Kinners
Max und Moritz	De Geschicht kennt jo wull jeden een.
Üm Hart un Ehr bi de Füerwehr	Geiht üm Geld un Leev